Samningsstjórnun

Þegar kemur að innkaupum opinberra aðila er mikilvægt að vel sé staðið að framkvæmd þeirra, þannig að tryggt sé að sjálft innkaupaferlið sé í samræmi við ákvæði laga um opinber innkaup og að samningur sá sem tekur við að loknu innkaupaferli sé vandaður og skýr.

Þá er virk samningsstjórnun á samningstíma ekkert síður mikilvæg. Ef hún er ófullnægjandi er hætta á því að ávinningur þess að vel var staðið að undirbúningi innkaupa og gerð samningsskilmála skili kaupanda, eftir allt, litlum sem engum ávinningi.

​

Með virkri samningsstjórnun er m.a. tryggt að:

​

• Skyldum samningsaðila sé framfylgt,

• gæði séu í samræmi við ákvæði samnings,

• endurgjald sé í samræmi við ákvæði samnings,

• breytingar á endurgjaldi séu í samræmi við ákvæði samnings,

• samskipti samningsaðila séu tryggilega skjalfest,

• eftirlit samkvæmt samningi sé framfylgt,

• brugðist sé við vanefndum á viðeigandi hátt,

• komið sé í veg fyrir að umsamin vanefndaúrræði glatist,

• rétt sé staðið að breytingum á samningi,

• rétt sé staðið að tilkynningum í tengslum við breytingar á samningi,

• faglega sé staðið að undirbúningi samningsloka.

​

Lög og reglugerðir um opinber innkaup eru í ýmsum atriðum bæði ítarlegar og flóknar og afmarkast ekki við sjálft innkaupaferlið, heldur ná einnig til framkvæmdar samninga á gildistíma þeirra. Brot á reglum um opinber innkaup geta haft alvarlegar afleiðingar fyrir kaupendur. Samkvæmt lögum um opinber innkaup er kaupandi skaðabótaskyldur vegna þess tjóns sem brot á lögunum getur haft í för með sér fyrir fyrirtæki.

 

Consensa býður viðskiptavinum sínum upp á virka samningsstjórnun sem er sniðin að þörfum hvers og eins viðskiptavinar og tekur mið af eðli og umfangi samnings hverju sinni.